နားထောင် … နားထောင် … နားထောင်
ပထမလူ ။ ။ ဟေး သူငယ်ချင်း ငါးးမျှားသွားမလို့လား ။
ဒုတိယလူ ။ ။ မဟုတ်ဘူး ငါးမျှားသွားမလို့ ။
ပထမလူ ။ ။ သြော် … အေး၊ အေး။ မသိပါဘူးကွာ၊ မင်းက ငါးမျှားတံကြီးနဲ့ဆိုတော့
ငါးမျှားသွားမယ်လို့ ထင်နေတာ။
နားမကြားသူနှစ်ယောက် အပြန်အလှန် ပြောခဲ့ကြတာပါ။
မိသားစု၊ လူအဖွဲ့အစည်း တစ်နည်းအားဖြင့် လူ့အသိုင်းအ၀ိုင်းတွင် ကြုံတွေ့နေရသော လူမှု ဆက်ဆံရေး ပြဿနာတွေရဲ့ ဇစ်မြစ်ကိုရှာဖွေမည်ဆိုလျှင် တစ်ဦးကိုတစ်ဦး အပြန်အလှန် နားမထောင်ခြင်း ဖြစ်ပါလိမ့်မယ်။ နားမကြားသူ နှစ်ဦး အပြန်အလှန်စကား ပြောသလို ဖြစ်တဲ့ အခါ တစ်ဦးကိုတစ်ဦးနားမလည်နိုင်၊ နားလည်မှုတွေ လွဲမှားကာ မဖြစ်သင့်သော ပြဿနာများ ဖြစ်ရသည်။ မိသားစုဝင်များ စိတ်ဝမ်းကွဲကြသည်၊ လင်မယားချင်း ကွာရှင်း ပြတ်စဲကြသည်၊ သူငယ်ချင်းများ ရန်သူဖြစ်လာသည်၊ ချစ်သူများ မုန်းသူဖြစ်သွားသည်၊ လုပ်ဖေါ်ကိုင်ဖက်များ သဘော ထားကွဲကာ လုပ်ငန်းပျက်သည်၊ အဖွဲ့အစည်းတို့ ပြိုကွဲ ပျက်စီးကြရသည်။
ဆက်သွယ်ရေးသီအိုရီကျွန်တော်တို့ရဲ့ ခံစားချက်တွေ၊ လိုအပ်ချက်တွေ၊ အတွေးအခေါ်အယူအဆတွေကို ရှင်းလင်းစွာ ထိမိစွာ ပြောပြတတ် ခြင်းဟာ ဆက်သွယ်ရေးရဲ့ တစ်ခြမ်းပဲဖြစ်ပါတယ်။ နောက်တစ်ခြမ်းက တစ်ပါးသူပြောတာကို နားထောင်ပြီး နားလည်ခြင်းဖြစ်ပါတယ်။ တစ်ဦးတစ်ယောက်ဟာ တစ်ခုခုလိုချင်တယ်၊ မအီမသာခံစားနေရတယ်၊ တစ်စုံတစ်ရာနဲ့ ပတ်သက်ပြီး ခံစားမိတာ တွေးမိတာ ရှိပါလိမ့်မယ်။ အဲဒီအကြောင်းတွေကို ပြောပြတော့မယ်ဆိုရင် ကြားရတဲ့သူ နားလည်နိုင်မယ်လို့ ထင်တဲ့ စကားလုံးတွေ၊ နည်းလမ်းတွေရှာဖွေရွေးချယ်ပြီး ဆက်သွယ်ပါလိမ့်မယ်။ နှုတ်ကနေ ပြောတာ ရှိသလို အမူအရာနဲ့ ပြောတာတွေလည်းရှိတတ်ပါတယ်။ နောက်တစ်ယောက်က အဲဒီလိုဆက်သွယ် လာတဲ့ သတင်းစကားကို လက်ခံပြီး အနက်ဖွင့်ယူတယ်၊ နားလည်အောင်လုပ်ပါတယ်။ ပြောချင်တဲ့သူရဲ့ သတင်းစကားနဲ့ လက်ခံသူရဲ့ နားလည်မှု အတူတူဖြစ်တယ်ဆိုရင် လူနှစ်ယောက်ကြားမှာ ထိရောက်တဲ့ ဆက်သွယ်ရေး ဖြစ်လာပါတယ်။
ပြောသူရဲ့အခက်အခဲများ- ပြောတဲ့အသံကို ရှင်းရှင်းမကြားနိုင်အောင်တိုးလွန်းခြင်း။
- မလိုအပ်သော အသေးစိတ်များထည့်ပြောခြင်း၊ တစ်ပြိုင်တည်း အကြောင်းအရာများစွာပြောခြင်းဖြင့် သတင်းစကားက ရှုတ်ထွေးနေခြင်း၊
- မိမိပြောလိုသော အကြောင်းကို မေ့ကာ အခြားအရာများအကြောင်းပြောခြင်း။
- နှုတ်ကပြောသော စကားနှင့် ခန္ဓာကိုယ်၏ အပြုအမူမညီခြင်း (စိတ်ဆိုးနေပါလျှက်ပြုံးနေခြင်း)။
- နားထောင်တဲ့သူ ဘာထင်မလဲ၊ ဘယ်လိုတုန့်ပြန်မလဲဆိုတာ အာရုံရောက်နေခြင်း။
နားထောင်သူရဲ့ အခက်အခဲများ- ပြောသည်ကို နားမထောင်ဘဲ အခြားအရာများနှင့် စိတ်ရှုတ်ထွေးနေခြင်း။
- ကိုယ်ပြန်ပြောချင်တာကို စဉ်းစားနေပြီး ပြောနိုင်ဖို့ အခွင့်အရေးသာ စောင့်နေပြီးနားထောင်ခြင်း။
- ပြောနေသူကို တုန့်ပြန်ချေပပြောဖို့ စကားလုံးစီကာ ကိုယ့်စိတ်ကူးနဲ့ ကိုယ်သာ အလုပ်များနေခြင်း။
- ပြောနေတဲ့သူ နဲ့ ပြောနေတဲ့စကားရဲ့ အမှန်အမှားကိုသာ စဉ်းစားဆုံးဖြတ်နေခြင်း။
- ပြောတဲ့စကားကို သေချာနားမလည်မှန်းသိသော်လည်း ပြန်မမေးဘဲ ကိုယ်လိုချင်ရာကိုသာ ဆွဲယူခြင်း။
အခြေံခံနားထောင်ခြင်းနည်းလမ်း သုံး ခု၁။ ပြိုင်ပွဲ သို့မဟုတ် တိုက်ပွဲ နားထောင်ခြင်းအခြားသူ၏ အမြင်အယူအဆကို နားလည်ဖို့ သိဖို့ထက် မိမိအယူအဆ မိမိပြောလိုသည်ကိုသာ ဇွတ်ပြောခြင်းကို ဆိုလိုပါတယ်။ ကိုယ်ပြောချင်တာပြောဖို့ အခွင့်အရေးစောင့်ပြီး နားထောင်တာ ဒါမှမဟုတ် သူ့စကားဘယ်တော့မှားမလဲ ဆိုတာ စောင့်ပြီး ကိုယ်ဘက်က ထောက်နိုင်ဖို့ အခွင့်အရးရှာ နားထောင်တာမျိုးတွေဖြစ်တတ်ပါတယ်။ စိတ်ရှည်ရှည်နဲ့ နားထောင်နေတဲ့ ပုံစံပြပေမဲ့ ဘယ်တော့ နှိပ်လို့ရမလဲ၊ ဘာပြန်ပြောရင်ကောင်းမလဲလို့စဉ်းစားနေပြီး ဘယ်လို အနိုင်ယူရမလဲလို့ သာ အကွက်ချောင်း နားထောင်ခြင်းမျိုး ဖြစ်ပါတယ်။
၂။ အေးစက်စက်နားထောင်ခြင်းကောင်းကောင်းမွန်မွန်နားထောင်ပါတယ်။ သူတပါးဘာပြောချင်လဲဆိုတာကိုလည်း နားလည်ပါတယ်။ ဒါပေမဲ့ အေးစက်စက်နိုင်လွန်းပါတယ်။ ကိုယ်နားလည်တာ မှန်လားမှားလား ဆိုတာ မသုံးသပ်ခြင်းမျိုးဖြစ်ပါတယ်။ ပြောတဲ့သူကို ဘာမှပြန်မမေးဘဲ၊ ဘာမှ ပြန်မပြောဘဲ တိတ်တိတ်နေခြင်းဖြစ်ပါတယ်။
၃။ ပါဝင်သုံးသပ် နားထောင်ခြင်းအလွန်အသုံးဝင်ပြီး အရေးပါတဲ့ နားထောင်နည်းဖြစ်ပါတယ်။ ပြောနေတဲ့စကားကို အမှန်တကယ် စိတ်ပါကိုယ်ပါ နားထောင်သလို ပြောနေသူရဲ့ ခံစားချက်တွေ၊ လိုအင်ဆန္ဒတွေ နဲ့ သူ့သတင်းစကားရဲ့ ဆိုလိုရင်းအမှန်ကို သိနားလည် အောင် ကြိုးစားခြင်းဖြစ်ပါတယ်။ ပြီးရင် ကိုယ်နားလည်တာနဲ့ သူပြောတာ တူမတူ ဆိုတာကိုလည်း ပြန်လည် စစ်ဆေး သုံးသပ်ပါတယ်။ ကိုယ်နားလည်သလို ပြန်ပြောပြပြီး သူပြောတဲ့အတိုင်း ဟုတ်မဟုတ်စမ်းစစ်ရပါတယ်။ ဒီလိုနားထောင် ခြင်းက ဆက်သွယ်ရေးကို ပိုပြီးထိရောက်စေသလို မလိုလားအပ်တဲ့ ပြဿနာတွေကို ရှောင်ရှားနိုင်ပါလိမ့်မယ်။
ထိထိရောက်ရောက် ပါဝင်သုံးသပ်နားထောင်နိုင်ဖို့အတွက် အာရုံစိုက်မှုတွေ၊ အားထုတ်မှုတွေအများကြီး လိုအပ်ပါတယ်။ အကျင့်ဟောင်းတွေကို ဖျက်ပစ်ဖို့တော်တော် ခက်ပါတယ်။ နားမထောင်တတ်တဲ့ အကျင့်ကို ဖျက်ဖို့အတွက်လည်း တော်တော်ခက်ခဲပါလိမ့်မယ်။ ဒါပေမဲ့ သင့်ဘ၀လှပချင်တယ်ဆိုရင် သင့်ရဲ့ပေါင်းသင်း ဆက်ဆံရေးတိုးတက်ကောင်းမွန်ချင်တယ်ဆိုရင် ခက်ပေမဲ့ ဖြစ်အောင်လုပ်ယူရပါလိမ့်မယ်။ သင်ကောင်းကောင်းနားထောင်တဲ့ အကျင့် မရှိဘူးဆိုရင် သူတပါးပြောတာနဲ့ သင်ကြားတာ အံ့သြဖို့ ကောင်းလောက်အောင် တစ်ခြားစီ ဖြစ်နေတာကို သင်သိလာပါလိမ့်မယ်။ နားမထောင်ခြင်းအတွက် အချိန်မပေးလို့ ပြဿနာများစွာကို အချိန်ပေးဖြေရှင်းရပါလိမ့်မယ်။
